Aktori i Portokalli-së, i njohur për rolet si “drejtori” dhe “doktori”, është dorëzuar duke pranuar se ai është i dashuruar. Erdit Asllanaj, teksa ka qenë i ftuar në emisionin “Rreze Dielli”, ka zbuluar se prej kohësh është në një lidhje, dhe se e dashura e tij nuk i përket fushës së artit.
“Është një lidhje e konsoliduar, unë ndihem shumë mirë. Jam shumë i lumtur që kam dikë që më mbështet kaq shumë, në çdo aspekt të jetës time. Ajo më ka kuptuar që në fillim.
Ka dhe raste që shqetësohet për famën time, por mirëkuptohemi. Siç unë di të ndaj punën nga jeta personale, edhe ajo e kupton pjesën time të punës dhe të jetës”, shprehet aktori.
I pyetur se si janë njohur, aktori u përgjigj me një batutë:
“Në një takim me miqtë. Më pa, e pashë, më pa, e pashë. Ço një birrë atje”, ka thënë Erditi.
