Vangjush Dako nuk është rikonfirmuar si kandidat i Partisë Socialiste për drejtimin e Bashkisë së Durrësit. Valbona Sako, aktualisht drejtoresha e Tatimeve në Durrës, njihet për një karrierë të gjatë në profesionin e saj, ndërsa prej gjashtë vitesh mban këtë post.
Valbona Sako ka përfunduar studimet e larta për Financë, në fakultetin Ekonomik të Tiranës, në vitin 1993.
Pas përfundimit të studimeve, ajo është punësuar në administratën shtetërore, ndërkohë që prej 20 vitesh është pjesë e administratës fiskale të qytetit të Durrësit.
Sako, është një emër mjaft i njohur në rrethin e biznesit në Durrës. Ajo është e martuar dhe nënë e dy vajzave.
Ndërkohë që njëherazi është kunata e gazetares dhe prezantueses Hygerta Sako, vajzës së parë nga Durrësi, që u shpall Miss Albania në vitin 1995.
