Nga Lutfi Dervishi
5 vjet më parë Parlamenti miratoi me të gjithë votat e deputetëve reformën në drejtësi. Synimi: pastrimi i sistemit dhe fillimi i fundit të kulturës së pandëshkueshmërisë.
5 vjet më pas, pavarësisht traumave që pësoi sistemi, kanë nisur të duken rezultatet e para. Pastrimi po ndodh, më shumë se gjysma e gjyqtarëve dhe prokurorëve të vetuar nuk kanë kaluar testin dhe së fundmi SPAK ka nisur të tregojë se shënjestra e prokurorëve specialë po drejtohet aty ku më parë ishte e pamundur: te kolegët gjyqtarë dhe prokurorë dhe te zyrtarët e nivelit të mesëm.
Arrestimet në kuadër të operacionit “Shpirti” dhe arrestimet e sotme janë shenja se asgjë nuk do të jetë më si më parë. Prishmëria me nisjen e punës të Byrosë Kombëtare të Hetimit është se në rrjetën e drejtësisë do të bien edhe “peshqit e mëdhenj” edhe “peshkaqenët’.
Sfidat përpara nuk janë të lehta. Afati kushtetutes i institucioneve të vettingut po përfundon dhe pas paralizës 3 vjeccare që pësoi Gjykata Kushtetuese dhe Gjykata e Larta, tani në radhë janë gjykatat e Apelit.
Për të diskutuar për bilancin e reformës në Drejtësi- sonte në #Përballë do të flasim me Erinda Ballancën, Avokaten e Popullit, institucion që ka rol monitorues në disa institucione të reja të drejtësisë dhe Afrim Krasniqin drejtorin e Institutin e Studimeve Politike, institut që ka monitoruar ecurinë e reformës në drejtësi.
