Një ngjarje e rëndë ka ndodhur në Sarandë, ku një 27-vjeçare ka ndërruar jetë, teksa transportohej me ambulancë për në Tiranë.
Mësohet se vajza që ndërroi jetë është Elsa Skënderi, e cila u paraqit rreth orës 17.00 te ditës së djeshme në gjendje të rëndë në spitalin e Sarandës, me të vjella dhe hemoragji.
Madje, sipas bluzave te bardha të Sarandës 27-vjeçarja në spital ka kaluar edhe vdekje klinike.
Pasi u reanimua dhe ndihmës urgjente spitalore gjendja e saj u përmirësua, ndërsa pas 4 orësh nën kontrollin e mjekëve , ata vendosën dërgimin e saj me autoambulancë drejt Tiranës për mjekim më të specializuar.
Gjatë rrugës, e reja ka ndërruar jetë, konkretisht në afërsi të Fierit. Autopsia pritet të përcaktojë shkaqet reale të vdekjes, ndërkohë që dyshimet e forta janë për overdozë. Burimet policore bëjnë te ditur se ajo njihej si përdoruese e lëndëve narkotike.
Njoftimi i policisë
Më datë 14.02.2018, në spitalin rajonal, është dërguar me ambulancë nga Saranda në gjendje të rëndë shëndetësore dhe ka ndërruar jetë, shtetasja E.S, 27 vjeçe, banuese në Sarandë.
Dyshohet se vdekja ka ardhur nga overdoza, pasi ka qenë përdoruese e lëndëve narkotike. Punohet për sqarimin e rrethanave dhe përcaktimin e shkaqeve të vdekjes.
