Marisa Padilha, 47 vjeç, nga Brazili jeton me dhimben e djalit të saj, i cili ka plot 13-vjet që jeton i lidhur me zinxhirë pasi është shumë i dhunshëm me veten e tij dhe me të tjerët. Djali i saj tani është 28-vjeç, dhe nëna e tij ka publikuar një video shqetësuese ku kërkon ndihmë për të birin e saj. Së fundmi Marisa Padilha, ka kërkuar ndihmë që ta ndihmojnë për gjendjen shëndetësore të djalit të saj pasi ajo është e varfër, shkruan thesun.
“Andre është mbajtur me zinxhirë për 13 vjet që kur u bë i dhunshëm si adoleshent”, thotë ajo.
Ajo thotë se sjellja e tij papritmas ndryshoi në moshën 10 vjeçare dhe se mjekësia nuk i ka ardhur në ndihmë pasi ai u diagnostikua me autizëm. Marisa, e cila jeton në qytetin e Fernandopolis, në shtetin juglindor brazilian të Sao Paulos, thotë se ajo mendon se diagnoza është ose e pasaktë ose e paplotë. Dhe tani ajo ka vendosur të lëshojë pamjet e djalit të saj i cili rënkon, dhe bën thirrje për ndihmë.
Ajo tha: “Ai merr disa pilula në ditë dhe madje edhe atëherë ai vazhdon të rrahë veten, duke kafshuar veten dhe duke bërtitur shumë. Ai duhet të ketë një problem më të madh që nuk është diagnostikuar. Ai rreh veten, ai e sulmoi veten … Nuk mund të qëndroj në këtë situatë, duke parë fëmijën të lidhur me zinxhirë ditë e natë. Çdo lloj ndihme është e mirëpritur nga familja jonë, por aktualisht po kërkoj një specialist për të bërë një ekzaminim specifik, por nuk mund të përballojmë koston”.Tirana Today
