Gjyshi i tij ishte gjerman, dhe për shkak të “gjakut të papastër”, u paragjykua gjatë kohës sa po ushtronte kung-fu. Në Kinë ishte shënjestër e abuzimeve racore, gjë që vijoi edhe në Hollivud, pasi nuk lejonin që një aziatik të luante rolin kryesor. Ai nuk shihte mirë, ndaj ushtronte artet parciale, ku prekja dhe lëvizjet janë më të rëndësishme se sa shikimi. Kur ishte në shkollë të mesme, Bruce fitoi një garë vallëzimi. Pasi shkoi në SHBA, hapi një shkollë vallëzimi, ku dhe u njoh me gruan e tij.
Lee ishte i fiksuar pas stërvitjes. Çdo ditë ai ushtronte deri në 5.000 goditje, në mënyrë që ta përsoste teknikën e tij. Si shumë yje të kinemasë, ishte përdorues i drogës, hashashit të Nepalit, efektet e të cilit janë më të fuqishme se të kanabisit të zakonshëm. Ai nuk e tymoste, por e përtypte këtë substancë, për të cilën thoshte se ia relaksonte muskujt. Bruce lindi në vitin kinez të dragoit, prandaj mbante nofkën ‘Dragoi i vogël’.
Pavarësisht aftësive të mëdha fizike, të afërmit tregojnë se Bruce e urrente ujin pasi nuk dinte not. Vdekja e tij vazhdon të mbetet një mister edhe sot, teksa ekzistojnë një numër i madh teorish. Zyrtarisht mjekët thanë se ai vdiq nga një atak kardiak, për shkak të tejlodhjes fizike nga orët e gjata në stërvitje.
