Për ta mbrojtur veten nga COVID-19, eksperti më i lartë i sëmundjeve infektive në SHBA Dr. Anthony Fauci prej kohësh ka deklaruar se po shmang përqafimet, shtrëngimin e duarve, mbajtjen e maskës si dhe udhëtimin me avion.
Ndërsa javën e kaluar, ai bërë të ditur edhe një hap tjetër për të ruajtur shëndetin, duke propozuar marrjen e suplementeve të vitaminës D.
“Nëse keni mungesë të vitaminës D, kjo ka ndikim në infeksion”, ka deklaruar kreu i Instituti Kombëtar për Alergji dhe Sëmundje Infektive, gjatë një interviste të postuar në Instagram gjatë javës së kaluar. Nuk e kam problem të rekomandoj, personalisht e praktikoj marrjen e suplementeve të vitaminës D”, tha Fauci.
Megjithatë, Fauci nuk tha se vitamina D mund të parandalojë specifikisht Covid-19, por për rëndësinë e vitaminës D në kujdesin për sistemin tonë imunitar, shkruan Time.
Vitamina D është e rëndësishme për shëndetin tonë muskulo-skeletor dhe funksionin imunitar, por nuk është e qartë nëse rritja e marrjes sonë mund të shmangë ose të trajtojë veçanërisht COVID-19.
Instituti Kombëtar i Shëndetit thotë se nuk ka prova të mjaftueshme për të rekomanduar përdorimin e vitaminës D për të parandaluar ose trajtuar COVID-19, por gjithashtu thotë se nuk ka prova të mjaftueshme për ta rekomanduar kundër.
