Andrea Dovizioso është shpallur kampion në pistën e lagur të Sepangut, në Malayzi, duke i shtyrë edhe me dy javë festën e titullit kampion të këtij sezoni spanjollit Mark Marquez. Italiani arrin të shkurtojë diferencën në 21 pikë me vendin e parë, ku është për tu zhvilluar edhe një garë, ajo e Valencias.
Ducati dominoi këtë garë duke marrë dy vendet e para me Dovizioson të parin dhe Jorge Lorenzo që u rendit i dyti, ndërsa në shkallën më të ulët të podiumit ishte francezi Zarco. Ky ishte suksesi i gjashtë sezonal, duke barazuar spanjollin Marquez, i cili në këtë garë u kënaq me vendin e katërt, duke humbur kështu rastin për të festuar titullin kampion. Vendi i pestë i takoi Pedrozas i cili fitoi “pole position” të shtunën.
Ndërsa Yamaha vazhdon të ketë vështirësi në pistat e lagura, ku Rossi u raundit në vendin e shtatë, ndërsa Vinales në vendin e nëntë.
