Sot shënon 55 vjetori i vdekjes së John F. Kennedy. Ish-Presidenti John F. Kennedy u qëllua për vdekje në Dallas, Texas, ndërsa po udhëtonte me autokolonën presidenciale bashkë me gruan e tij. Ndaj tij u qëlluan dy herë dhe një plumb e kapi në qafë e tjetri në kokë.
Por, sot e 55-vjet më parë vrasja e tij ende është ë mbuluar me mister. Teoritë e ndryshme konspitarive ngrenë alibi të shumta. Ndërsa thuhet se truri i Kennedy u zhduk në mënyrë misterioze nga Arkivat Kombëtare të SHBA. Organi po ruhej aty së bashku me pjesë të tjera të provave nga autopsia.
Daily Star Online ka zbuluar dokumente të qeverisë amerikane, ku faji bie mbi vëllanë e Kennedy.
Robert .F. Kennedy dyshohet se ka zhdukur trurin e vëllait të tij bashkë me pjesë të provave të autopsisë.
Truri i Kennedy ishte i pranishëm në autopsinë fillestare pas vrasjes në vitin 1963, por më vonë në vitin 1965 u zhduk.
Vendndodhja e tij ka qenë subjekt i shumë spekulimeve nga teoricienët e konspiracionit.
Dokumentet e qeverisë amerikane të siguruara nga Daily Star Online zbulojnë përpjekjet e zyrtarëve për të gjetur trurin.
Dokumentet e rralla nga hetimi i fundit i vitit 1976, tregojnë fakte tronditëse. Ndërsa kujtojmë se në vitin 1968 u ekzekutuar edhe Robert Kannedy, i cili akuzohej se kishte zhdukur trurin e vëllait.
Robert Kennedy sipas një raporti kishte urdhëruar sekretaren e tij Angela Novello, për të zhdukur trurin e vëllait nga dollapin që përmbante materialet e autopsisë në Arkivat Kombëtare.
https://tiranatoday.com/fakte-tkush-ishte-kumbari-bosi-i-porositi-e-kennedy/
Zhdukja e trurit
Sirtari që përmbante trurin ishte duke u mbikëqyrur nga Evelyn Lincoln, asistentja e Keneedy. Ajo po i transferonte dokumentet e Presidentit në arkivin e SHBA-ve.
Zonja Lincoln ishte telefonua më pas nga Robert Kennedy i cili i tha asaj se po dërgonte znj. Novello për të lëvizur dollapin në vitin 1965.
Angela Novello shkoi në zyrën e Evelyn Lincoln së bashku me Herman Kahn, arkivist për bibliotekën presidenciale dhe mori dollapin që përmbante trurin, i cili nuk u pa më.
Në dokument thuhet: “Materialet u mbajtën në një vend tjetër të caktuar nga Robert Kennedy. “Provat rrethanore tregonin se Robert Kennedy pastaj vendosi t’i mbajë sekret të gjitha provat fizike të mostrave”.
Komiteti vëren se nuk ka “prova të drejtpërdrejta” të vendndodhjes së trurit, por vë në dukje se është konfiskuar nga Robert Kennedy.
Truri i Kennedy besohet të jetë marrë nga i vëllai për të parandaluar “keqpërdorimin” e organit.
“Prova tregojë se Robert Kennedy ose i shkatërroi këto materiale ose përndryshe i bëri ato të paarritshme,” lexohet në dokument.
Thuhet si ai donte ta zhdukte trurin që ai të mos vendosej në ndonjë arkiv dhe të behej publik.
Robert Kennedy nuk u urdhërua asnjëherë nga departamenti i drejtësisë për të dorëzuar mostrat.
Ndihmësi i avokatit amerikan, Burke Marshall, u tha hetuesve: “Robert Kennedy mori dhe asgjësoi këto materiale vetë, pa njoftuar askënd tjetër.”
Raporti thotë se:
“Robert Kennedy ishte i shqetësuar se këto materiale do të vendoseshin në shfaqje publike në vitet e ardhshme në një institucion të tillë si Smithsonian dhe dëshironte t’i shkatërronte ata për të eliminuar një mundësi të tillë”.
Kujtojmë se Robert Kennedy u vendos në postin e Prokurorit të përgjithshëm të SHBA, kur President ishte vëllai i tij.
Ai u qëllua për vdekje, ndërsa po ngrinte një ofertë presidenciale të SHBA më 5 qershor 1968, nga një palestinez i ri. Pretendohej se ai e qëlloi për mbështetjen që ai i dha Izraelit gjatë Luftës së Gjashtë Ditëve.
Vrasjet e JFK dhe RFK janë ende të mbuluara me mister. Ndërsa truri i zhdukur vijon të mbetet subjekt i teorive të konspiracionit.
Pretendimet për vrasjen e JFK-së kanë shkuar nga përfshirja e Bashkimit Sovjetik, mafies dhe CIA-s./TIRANA TODAY/
