Ish-drejtuesi i Prokurorisë së Elbasanit Ardian Nezha u largua nga detyra për shkak të trysnisë dhe kërcënimeve që vinin si pasojë e dosjeve të bujshme që ishte duke hetuar.
Ky është përfundimi në të cilën ka arritur gazetari investigativ Artan Hoxha. Nezha i cili u komandua pak kohë më parë nga kryeprokurorja e Përgjithshme e Përkohshme, Arta Marku ka pasur trysni të jashtëzkonshme dhe për këtë arsye është larguar nga detyra.
Megjithëse publikisht u bë e ditur se Nezha u largua me dëshirën e tij, e vërteta mesa duket qëndron krejt tjetër, pasi një nga ngjarjet e rëndësishme që po hetohej ishte atentati i dështuar në tregun e Elbasanit.
“Në fakt ka një tentativë tjetër, ka qenë një minë shumë më e fuqishme se ajo e Shkodrës, në Elbasan ka qenë një minë me 1.5 kg tritol, e ardhur nga Veriu i Shqipërisë, Mali i Zi, autorët dyshohet një person shumë i afërm i Julian Sinanajt. Ka një mase sigurie për të, fillimisht ka qenë në burg por pastaj çuditërisht Gjykata e Apelit ka ndryshuar masën e sigurisë dhe nga ai moment, ky person është arratisur dhe nuk është kapur më”, thotë gazetari Artan Hoxha për News 24.
Ngjarja e 2017-s
Artan Hoxha: Pse ka kaluar pa vëmendje. Ngjarja ka ndodhur në prill të vitit 2017, një automjet tip Volsvagen, që ishte pronë e një biznesmeni të vogël që hynte çdo ditë në orar fiks në tregun e qytetit, tregu që administrohet nga Petrit Çela, babai i Suel Çelës që është përmendur për ngjarjen që kishte të bënte me policinë, edhe pse rezultoi se nuk kishte qene tani, por tani ai është në kërkim.
Mesa duket pjesëtarë të grupit rival kanë tentuar te japin një mesazh shume te forte dje të shkaktojnë nja ngjarje shume te rende. Besoj se kjo ka qenë një përgjigje për masakrën e 3 shkurtit ku mbetën të vrarë 3 pjesëtarë të fisit Capja dhe u plagosen 8 të tjerë dhe mina ka qene e vendosur me magnet, ne pjesën e poshtme të makinës sepse dihej qe pronari i këtij mjeti futen çdo dite ne orën 10 ne tregun e qytetit.
Dihej qe kur te hynte në treg mina do shpërthente dhe përgjegjësia do i lihej personit ndaj te cilit do ndodhte shpërthimi por do te humbnin edhe gjurmët autoret e vërtetë dhe qëllimi i vërtetë i atyre qe e organizuan këtë ngjarje.
Dështimi i atentatit
Artan Hoxha: Pse dështoi atentati? Dështoi krejt rastësisht se para se te hynte në treg personi e ka pasur makinën e parkuar afër nëe berberhane dhe një person e ka parë rastësisht që në pjesën e poshtme të makinës ishte një gjë jo e zakonshme. U njoftua i zoti, u bë verifikimi dhe në tokë ka rënë një mine shumë e fuqishme. Imagjinoni pasojat nëse do shpërthente brenda tregut. Nga ky moment hetimet nisen për të gjetur nëse kishte konflikt pronari i makinës, por në fakt rezultoi që nuk kishim të bënim me një konflikt ndaj pronarit, por tentativë për ta shpërthyer minën brenda tregut të qytetit dhe të kishim një përplasje mes grupeve rivale në qytetin e Elbasanit. Kjo është një ngjarje në hetim e sipër dhe që prokuroria po punon fort në lidhje me këtë ngjarje”.
