Gjykata e Apelit për Krimet e Rënda ka zhvilluar sot seancën për dosjen “Xibraka”, ku avokatët kërkuan ndryshim të vendimit të Shkallës së Parë dhe pranimin e gjykimit të shkurtuar.
Prokurori ka pranuar aplikimin e gjykimit të shkurtuar, por ka kërkuar lënien në fuqi të fajësisë.
Fati i 9 të pandehurve, mes tyre nipi i diktatorit Hoxha, do të përcaktohet më 15 nëntor, teksa u vendos që vendimi përfundimtar të shpallet në këtë datë.
Avokati i Ermal Hoxhës ka kërkuar pafajësi për klientin e tij, teksa argumentoi se Ermali kishte lidhje shoqërore me Genc Xhixhën dhe se ai miqësisht i ka kërkuar të shoqërojë kolumbianët deri te fabrika, ku u gjet edhe droga. Sipas avokatit, klienti i tij, Hoxha nuk ka pasur asnjë informacion se çfarë bëhej në atë fabrikë.
Prokurori është dakord me aplikimin e gjykimit të shkurtuar, por kërkon lënien në fuqi të fajësisë.
