Ditën e sotme është zhvilluar seanca për dosjen “Lazarati 2014” në Gjykatën e Krimeve të Rënda.
Prokuroria ka kërkuar në total 57 vite burg për pesë të pandehurit Arbjon Aliko, Gurgaz Skënderi, Alfred Proko, Enrik Skënderin dhe Beqo Brahimajn, të njohur si grupi i zjarrit.
Konkretisht, organi i akuzës në pretencë kërkoi 14 vite burg për Arbjon Alikon, 13 vite burg për Gurgaz Skënderin, 11 vite burg për Enrik Skënderin, 11 vite burg për Alfred Prokon, dhe 8 vite për Beqo Brahimajn.
Këta të fundit janë pjesë e grupit të Gate Mahmutajt, por procesi ndaj tyre ka vijuar i pavarur nga ai i kreut të grupit.
Gate Mahmutaj akuzohet edhe për vrasjen e efektivit të RENEA në vitin 2015, Ibrahim Basha. Megjithatë, pretenca e sotme nuk ka lidhje me vrasjen e oficerit të policisë gjatë përplasjes me armë në Lazarat, por lidhet me një operacion të policisë në 2014 ku u sekuestruar një sasi e konsiderueshme lëndësh narkotike.
