Kryedemokrati Basha, është shprehur se prej dy vitesh në Prokurorinë e Krimeve të Rënda po qëndron ajo të cilën e cilësoi si “dosja e Dibrës”. Ai zbuloi se ka përgjime, ku Damian Gjiknuri i kërkon policisë që të shoqërojë paratë, me të cilat u blenë zgjedhjet për Bashkinë.
“E dini se mbi “dosjen e Dibrës” ka dy vite që fle Prokuroria e Krimeve të Rënda? Janë aty përgjimet, është Damian Gjiknuri, duke folur me kriminelin, duke urdhëruar policinë. Po e them me përgjegjësi të plotë sot, duke urdhëruar policinë të shoqërojnë paratë që duhet të shpërndahen në Dibër”, u shpreh Basha.
