Kështu u shpreh kreu i PD, Lulzim Basha i ftuar në “Opinion”, kur u pyet nga Lorenc Vangjeli nëse Rama po e shantazhon përmes një verifikimi që po bëhet në prokurori për fondet e lobimit të PD-së. “Më shiko mirë. Rama nuk mund të më shantazojë!”, tha Basha.
Vangjeli: Po ka të dhëna nga SHBA për lobimin tuaj. Dhe këto të dhëna janë në prokurorinë e Tiranës?
Basha: Ti nga e di ti… jam unë ai që kam kërkuar verifikim dhe pres me qetësi totale verifikimin e prokurorisë. Nuk ka shans Edi Rama te na shantazhojë as mua, as PD për të na ndalur ne. Qëllimin e shpalla sot: te largojmë Ramën nga politika dhe ta çojmë para drejtësisë”.