Pak minuta pasi Barcelona ka prezantuar blerjen nga Borussia e Dortmund, Dembele, ekipi gjerman ka prezantuar zëvendësuesin e francezit.
Blerja më e re e klubit të “Bundesligës” nga ukrainasit e Dianamo Kiev është Andriy Yarmolenko dhe kushtoi 25 mln euro. Yarmolenko ka shënuar 137 gola në 339 ndeshje në të gjitha kompeticionet me ekipin e “Premier League-s” të Ukrainës në 10 vjet. Ai ka nënshkruar për 4 vite me Dortmund.
Pas 105 mln eurove të arkëtuar nga Barcelona për shitjen e Dembele, Dortmund nuk ka hezituar për të afruar ukrainasin në skuadër. Burime nga gjermania konfirmojë se pavarësisht blerjes së Andriy Yarmolenko, verdhezinjtë synojnë të afrojnë edhe mesfushorin e Paris SG, Julian Draxler.
