Drejtuesit teknikë të klubit dhe stafi i ekipit janë revoltuar me sjelljen e sulmuesit të Gabonit dhe po mendojnë ta shesin lojtarin problematik. Ai ka qenë në radarin e ekipeve të mëdha evropiane, por pas çdo sezoni ai ka zgjedhur të qëndrojë në Gjermani.
Sulmuesi i Borussia Dortmund, Pierre-Emerick Aubameyang, po kalon një fazë të rënduar psikologjike pas përjashtimit nga loja në sfidën e luajtur midis Schalke 04 dhe vendasve të Dortmundit në derbin e etiketuar si “Revierderby”, që regjistroi një nga përmbysjet më të mëdha në historinë e futbollit, nga 4-0 në 4-4.
Peter Bosz, kreu i pankinës së verdhezinjve drejton gishtin e fajit te Aubameyang, ndëshkimi i të cilit me kartonin e dytë të verdhë shkatërroi të gjithë punën e ekipit, i cili udhëhiqte deri në minutën e 72-të me rezultatin 4-2. Një tjetër pjesëtar i skuadrës verdhezi e konsideron veprimin e Aubameyang si “të patolerueshëm”. Sulmuesi u ndëshkua me kartonin e kuq pas dy ndërhyrjeve të parregullta. Mungesa e trofeve dhe rënia drastike në kampionat mund ta nxisë ekipin e Borussia-s të shesë Aubameyang-un, i cili preferohet nga trajneri i Liverpool-it, Jurgen Klopp. Së fundmi, interesim për të kanë shprehur dhe “Blutë e Londrës”, Chelsea.
