Pierre-Emerick Aubameyang është një objektiv i qartë i Arsenal, londinezët kërkojnë që ta kenë në ekip që tani në janar. Këtë e ka konfirmuar edhe drejtori sportiv i Borussia Dortmundit, Michael Zorc, ka folur për Sky Sports në Gjermani rreth interesimit të vazhdueshëm të Arsenalit për sulmuesin e tyre.
Ai ka pranuar se Dortmund do ta shesë sulmuesin e tyre, vetëm në rast se vjen oferta e duhur, po ashtu është shprehur se Arsenali ka bërë disa përpjekje për ta transferuar sulmuesin, duke shtuar se ofertat e “Topçinjve” nuk kanë qenë bindëse për ta dhe janë refuzuar.
“Jemi të gatshëm ta lejojmë transferimin e tij nën parametra të caktuara, por vetëm nëse këto parametra plotësohen në përpikëri. Arsenali ka bërë disa përpjekje deri tani. Të gjitha ofertat ia kemi refuzuar deri tani”, ka thënë ai.
“Nëse kërkesat tona plotësohen, atëherë transferimi do të ndodhë, nëse nuk plotësohen, atëherë Auba do të luajë për Dortmundin deri në verë, kështu është diskutuar dhe pranuar edhe nga familja e Aubameyangut”, ka shtuar ai. Aubameyang startoi nw ndeshjen e sotme të Dortmundit ndaj Freiburgut.
