Ish-eurodeputetja gjermane Doris Pack, ka sulmuar kryeministrin Rama me anë të një postimi në Twitter.
Pack shkruan se kryeministri Rama po sulmon Prokurorinë dhe po pengon drejtësinë teksa merr në mbrojtje mikun e tij Tahirin, i cili akuzohet nga Prokuroria e Krimeve të Rënda për 2 vepra të rënda penale: trafikimi i lëndëve narkotike dhe korrupsion pasiv i funksionarëve të lartë.
Ky qëndrim i politikanes gjermane vjen pas deklaratave të djeshme të Ramës, se Prokuroria nuk ka prova për arrestimin e deputetit Tahiri.
“Shqipëria shtet i së drejtës? Kandidate për në BE? Kryeministri Rama po e pengon drejtësinë dhe sulmon prokurorët për të mbrojtur mikun e tij, Tahiri”, shkruan Pack.
