Deputetja e PD, Grida Duma, duket se është dorëzuar sa i takon angazhimit të saj në politikë. Në emisionin “Open”, të Eni Vasilit, ajo foli pa doreza, duke cituar se në fillimet e saj, ajo s’ka pasur mbështetje. Sipas saj, është e vështirë që të mbijetosh në politikë, kjo edhe për shkak të këtij sistemi.
“Të thënurit e disa të vërtetave, kur thuhen nga një njeri që merr pjesë në politikë, merr më shumë vlerë. Unë në një moment them; ky sistem i poshtër, se i poshtër është se nuk jep meritën, të drejtën. Është e vështirë të mbijetosh në politikë.
Gjëja më e vështirë për ne është të gjejmë të vlefshmit që të marrin pjesë në politikë. Unë do ta thoja nga vetja, që gjëja më e pa duhur është të mos marrin pjesë njerëz.
Jam vetë shembull që s’kam pasur mbështetje. Besoj që edhe në më të poshtrin sistem, ka vend për të aftët.
Ne kemi problem me kulturën. I krijojmë fëmijëve psikozën e dështimit, sesa të fitores. Kjo është arsyeja pse kam bërë atë komunikim që thyen disa barriera. Duhet të shkojmë përtej moralit. Në politikë, më e rëndësishmja është të qënit fitues.
Unë i kuptoj njerëzit që s’marin dot pjesë në politikë, aman të rinjtë duhet të merren me politikë, sepse vetëm aty ka shpëtim”, u shpreh Grida Duma.
