Ministri i Sigurisë në Bosnje dhe Hercegovinë, Fahrudin Radoncic ka njoftuar sot dorëheqjen nga posti i tij.
Sipas mediave vendase, zyrtari dha disa arsye për dorëheqjen e tij, mes tyre renditi dhe situatën me migrantët.
“Unë kërkova një zgjidhje ligjore për krizën e migrantëve. Ne patëm një situatë ku Shefik Xhaferoviq, anëtar i presidencës trepalëshë të Bosnjës, dhe ministrja e Punëve të Jashtme, Bisera Turkoviç, u distancuan nga unë dhe planin tim në lidhje me migrantët pakistanezë”, tha ai.
Kujtojmë se më herët, Radonçic kishte kërkuar nga Shërbimi për të Huajt i Bosnjës, të përgatisë planin për dëbimin e migrantëve.
