Hoyt Brian Yee ka dhënë dorëheqje nga posti Zëvendës Ndihmës Sekretari Amerikan i Shtetit. Këtë e kanë konfirmuar nga Departamenti i Shtetit Amerikan. Brian Yee është njëri nga diplomatët amerikan me angazhim shumëvjeçar në Ballkan. Ai është aktiv që nga viti 1993, kur ishte asistent i Çarls Rendumit, të dërguarit special amerikan për Bosnjë dhe Hercegovinës, kur ishte pjesë e të gjitha negociatave kryesore për ndërprerjen e luftimeve në Bosnje.
Yee do të zëvendësojë ambasadorin e SHBA-ve në Maqedoni, Xhes Bejli i cili në këtë pozitë u emërua në dhjetor të vitit 2014. Në periudhën e krizës politike, Yee ka vizituar disa herë Maqedoninë, kurse në vizitën e tij të fundit menjëherë pas ngjarjeve të prillit në Kuvendin e Maqedonisë.
Brian Jee ka vizituar dy herë dhe Tiranën zyrtare. Të dyja vizitat kanë ardhur në momente te tensionuara politike në vend. Kujtojmë se pas vizitës dhe udhëzimeve të tij u arrit dhe marrëveshja për zgjedhjet e 25 qershorit. Gjithashtu, Brian Yee i ka dhënë udhëzime qeverisë shqiptare dhe institucioneve më të larta për rrezikun e ndikimit rus në Ballkan.
Yee ka qenë i angazhuar në pozita të ndryshme në diplomacinë amerikane apo në NATO, gjithnjë të ndërlidhura me Evropën Juglindore, ndërsa në vitet e fundit ishte ndër personat kryesor të Departamentit Amerikan të Shtetit për rajonin e Ballkanit.
Vlerësohet se Brian Yee ka meritat më të mëdha për sanksionet e aprovuara nga SHBA ndaj kryetarit të Republikës Serbe, Millorad Dodik, i cili ishte vendosur në listën e zezë nga SHBA-të.
