Administratori i klubit të futbollit Vllaznia, Suad Lici ka dhënë dorëheqjen nga ky pozicion.
Ky vendim, ka ardhur për arsye të angazhimeve të tij personale.
Pasuesi i tij, do të jetë Benjamin Naku.
Lici, do të vazhdojë të japë kontributin e tij tashmë në pozicionin e Kordinatorit Teknik.
Postimi në Facebook
KF Vllaznia bën të ditur se administratori i klubit, z. Suad Lici, ka kërkuar dorëheqjen nga ky pozicion për arsye të angazhimeve të tij personale.
Këshilli Mbikëqyrës është njohur me kërkesën e z. Lici, e ka shqyrtuar dhe ka vendosur pranimin e saj. Në vazhdim, Këshilli Mbikëqyrës ka diskutuar për administratorin e ri të KF Vllaznia dhe ka vendosur emërimin e z. Benjamin Naku në këtë pozicion.
- Naku njihet për karrierën e suksesshme si sportist, por edhe si pedagog dhe drejtues i Departamentit të Edukimit Fizik e Sporteve, në Fakultetin e Shkencave të Edukimit pranë Universitetit të Shkodrës “Luigj Gurakuqi”.
Dëshirojmë të shprehim falenderimin tonë për punën e bërë nga z. Lici. Ai do të vazhdojë të japë kontributin e tij pranë KF Vllaznia, tashmë në pozicionin e Kordinatorit Teknik.
Njëkohësisht i urojmë z. Benjamin Naku suksese në detyrën e re.
