Sebastian Kurz rikthehet në detyrë si kancelar i Austrisë. Sot ai ka zhvilluar ceremoninë e betimit në detyrën si kancelar. 33 vjeçari brilant, lider i Partisë Konservatore rikthehet në pushtet me një tjetër koalicion, me partinë e të Gjelbërve.
Kujtojmë që Kurz dha dorëheqjen dhe çoi vendin në zgjedhje të parakohshme, pas video-skandalit të një prej aleatëve të tij, i cili i ofronte tendera një investitori rus.
Kjo është hera e parë që gratë përbëjnë shumicën në qeverinë federale dhe të Gjelbrit marrin pjesë në punën e saj.
Në koalicion, të Gjelbrit kanë marrë ministrin e çështjeve mjedisore, transportit, infrastrukturës, energjisë, teknologjisë dhe inovacionit.
Kurz me rikthimin në detyrë vendosi rekordin si kancelari më i ri në Evropë, që deri para do kohe i takonte kryeministres së Finlandës, Sanaa Marin (34 vjeçe), e cila muajin e kaluar filloi mandatin e saj.
