Qytetarët e Zimbabve kanë dalë në rrugë për të festuar deri në orët e para të mëngjesit dorëheqjen e Robert Mugabe si president.
Ky i fundit e mbajti pushtetin për 37 vite me radhë dhe ishte shprehur se “vetëm Zoti mund ta largonte atë nga posti i tij”.
Aleati i tij i kthyer në rival tashmë, ish-zv/presidenti Emmerson Mnangagëa pritet të emërohet president i ri brenda pak orësh.
Dorëheqja e Mugabe u prezantua gjatë leximit të një letre nga kryetari i parlamentit.
Në letër, Mugabe i cili i rezistoi presionit të publikut, ushtrisë dhe partisë së tij prej shumë kohësh, tha se po jepte dorëheqjen për të lejuar një transformim të qetë dhe paqësor të pushtetit dhe se vendimi i tij ishte i vullnetshëm.
Ligjvënësit nga partia qeverisëse dhe opozita brohoritën me gëzim, ndërsa njerëzit “shpërthyen” në rrugë duke vallëzuar, kënduar dhe valëzuar flamuj.
“Jam shumë i lumtur, ndihem i ngazëllyer, ky është momenti më i madh për vendin tonë”, tha Julian Mtukudzi për agjencinë e lajmeve AFP.
“Kemi kaluar plot net pa gjumë duke shpresuar dhe duke pritur dhe tani jemi kaq të lumtur. Ka mbaruar dhe është kryer!”
Aktivistja dhe kandidatja politike Vimbaishe Musvaburi shpërtheu në lot gëzimi duke folur për BBC.
“Ne jemi të lodhur nga ky njeri, ne jemi kaq të lumtur që ai është zhdukur. Ne nuk e duam më atë dhe po, sot është fitore”, tha ajo.
Partia qeverisëse thotë se ish-nënkryetari Emmerson Mnangagwa do të pasojë Mugabe.
Shkarkimi i Mnangagwa në fillim të këtij muaji shkaktoi një krizë politike. Ajo ishte parë nga shumë njerëz si një përpjekje për të pastruar rrugën për Grace Mugabe për të pasuar burrin e saj si udhëheqëse dhe për të rilindur udhëheqjen ushtarake, e cila hyri dhe e vuri Mugabe nën arrest shtëpiak.
Mugabe, 93 vjeç, ishte udhëheqësi më i vjetër në botë. Sipas kushtetutës, pasardhësi i tij duhet të jetë nënkryetari aktual, Phelekezela Mphoko, një mbështetës i Grace Mugabe. TIRANA TODAY
