Zvicra arriti një kualifikim historik, pasi mposhti me anë të penalltive Francën, duke kaluar në fazën çerekfinale të ”Euro 2020”. Njeriu i ndeshjes, u shpall lojtari me origjinë shqiptare, Granit Xhaka.
Babai dhe agjenti i tij, Ragip Xhaka ka qenë i ftuar në emisonin ”Dueli Sportiv”, ku përveç sukesit të djalit të tij, ka treguar edhe për zgjedhjen e Granitit për të përfaqësuar Zvicrën.
Ai u shpreh se kanë pasur kontakte me Shqipërinë, por nuk u bë e mundur që Graniti të luante me përfaqësuesen shqiptare, pasi kishte mospajtime. Ndërkohë, sipas Ragip Xhakës, i biri nuk mund të bashkohej me Kosovën, për shkak se ka marrë pjesë më parë në Europian me Zvicrën.
Ragip Xhaka: “Kur djemtë filluan të bëhen të gjallë, siç i thonë me atë fjalën popullorë, kam pasur kontakt me Shqipërinë edhe një mospajtim, nuk erdhi deri aty. Sa i përket Kosovës ka qenë e ditur se nëse luajnë këta shqiptarë në Evropian më parë, atëherë ka qenë e pamundur.E kemi çuar një letër në FIFA drejtpërsëdrejti pa ndihmën e askujt, me anë të avokatit tonë, na është kthyer e mbyllur, tema është e mbyllur shkaku i Kampionatit Evropian. Nuk e ndiej vetën fajtor. Gjithë atë që kemi bërë deri tani, si për Zvicrën si për Kosovën, jam krenarë. Asnjëherë nuk e kemi harruar Kosovën.
Jo se janë vetëm këta dy, por janë të vetmit dy djem shqiptarë, dy vëllezër, që dalin hapur dhe e mbrojnë si Kosovën edhe Shqipërinë. Po ju tregoj një rast. Në lojën me Serbinë dhe Shqipërinë, që luhej në Shqipëri, Graniti filloi të qante përse i ka ngritur tre gishtat njëri lojtar në Tiranë. Nuk e kemi fshehur që jemi shqiptarë, kurrë, asnjëherë. Më vjen keq që ka ndodhur kështu, por ai ka qenë fati si për Zvicrën, si për Kosovën, edhe për Shqipërinë”.
