Gianluigi Donnarumma është padyshim një ndër portierët më premtues në qarkullim, pasi që në një moshë të re ka arritur të jetë lider në një ekip të madh si Milan, Donnarumma në një intervistë për “Gazzetta dello Sport” ka folur për shumë çështje, si Messi-Ronaldo apo për konkurencën në Serie A dhe për situatën e tij në merkaton që lamë pas. Portieri italian ishte pranë largimit në një nga klubet elitare si Real Madrid, por familja e tij nuk pranoi dhe kërkoi që ai të qëndronte edhe për një sezon tek Milan.
Messi-Ronaldo – “Nëse ka dy lojtarë, që unë kurrë nuk do t’i përball në krahasime, ato janë Leo Messi dhe Cristiano Ronaldo. Ata janë shumë të ndryshëm, sepse Messi ka lindur si një fenomen, ndërsa Ronaldo ka punuar shumë për t’u bërë ai që është sot.”
Merkatoja – “Nuk kam keqardhje, ka episode që ju bëjnë të rriteni. Në retrospektivë nuk do ta kisha bërë atë, por nuk pendohem për asgjë. Le të themi se në disa situata duhet ta kisha dëgjuar më shumë babain tim”.
Seria A – “Do të veçoja Napolin, me shumë lojtarë të fortë. Nuk është e lehtë të gjesh kiminë e duhur për të punuar së bashku shpejt. Këtë po e vuan Milani”.
Portierë të tjerë – “Pas Buffon, ka shumë portierë të tjerë, të cilët unë i admiroj, si Manuel Neuer, Thibaut Courtois, Hugo Lloris dhe David De Gea. Po flas për standardin në këtë kohë”.
https://www.youtube.com/watch?v=Wd6ui4HpaPg&ab_channel=FibraFootballVideos
