Të lësh duhanin është thuajse e pamundur. Sigurisht, ka persona që e kanë lënë duhanin, pas shumë përpjekjeve. Por, ka të tjerë që sado janë munduar, e kanë pasur të pamundur.
Megjithatë, ka disa këshilla që do ju ndihmonin goxha. Provoni t’i zbatoni ato dhe mund të jeni ju personi që sapo ka lënë duhanin, një zakon shumë të dëmshëm për shëndetin.
Mendoni pozitivisht
Nëse jeni përpjekur dhe keni dështuar, mos u dorëzoni. Ju mund t’ia dilni, mjafton të jeni të vendosur dhe të keni besim te vetja.
Bëni një plan për ta lënë atë
Caktoni një datë në kalendar. Premtojini vetes që do e lini duhanin dhe ndiqni rregullat që i keni vënë vetes.
Ndryshoni pijet!
Mundohuni të hiqni dorë ose të rralloni pijet me gaz, alkoolin, çajin dhe kafen, pasi të gjitha i bëjnë cigaret të kenë shije më të mirë.
Zbuloni kur keni nevojë për cigare
Bëni një planifikim ditor për të parë se sa të shpeshtë e keni brenda një dite konsumimin e cigareve. Kjo mund t’ju ndihmojë për të ulur nga dita në ditë shpeshtinë e ndezjes së tyre.
Kërkoni ndihmë për të lënë duhanin
Tregojuni miqve tuaj planin që keni dhe ata do ju mbështesin. Nëse dilni bashkë, ata nuk do ju ofrojnë më cigare, duke respektuar vendimin tuaj për ta lënë duhanin. Shikoni udhëzimet e ekspertëve online dhe këshillat nga rrjetet sociale.
Mbani duart dhe gojën të zënë
Terapia zëvendësuese e nikotinës (NRT) mund të dyfishojë gjasat për sukses duke mbajtur çamçakëz me vete apo karamele ose biskota me drithëra.
