Kosova është ndalur vetëm në një barazim pa gola në ndeshje e parë në Ligën e Kombeve përballë Azerbajxhanit. Azerët treguan se ishin një skuadër e fortë dhe nuk lanë shumë hapësira për të besuarit e Challandes. Një transfertë mjaft e vështirë ku “Dardanët” ishin mjaft të kënaqur që ruajtën të paprekur portën, pasi u rrezikua shumë. Ashtu sikurse Azerbajxhani dhe Kosova ndodhet në Grupin 3 të Ligës D me Ishujt Faroe dhe Malta.
Ndeshja nis mjaft mirë për azerët të cilët provojnë të rrezikojnë portën që në minutat e para, por Aliti dhe Ramadani ishin të pakalueshëm. Në fundin e të parës dardanët fitojnë terren dhe krijojnë disa raste mjaft të mira për shënim, ku Celina kishte një mundësi mjaft të mirë por goditja e tij shkon mbi traversë. Ndërsa pjesën e dytë azerët kanë sulmuar dhe Kosova ishte e mbyllur në mbrojtje, duke pritur të përfitojë nga ndonjë kundërsulm.
Azerbajxhan-Kosovë 0-0
Azerbajxhani: Agayev, Garayev, Abbasov, Pashayev, Medvedev, Madatov, Makhmudov, Gurbanov, Shedaev, Almeida, Hyseynov.
Kosova: Ujkani, Vojvoda, Paqarada, Rrahmani, Aliti, Shala, Kryeziu, Celina, Zhegrova, Zeneli, Muriqi.
