Regjisori i njohur Kastriot Çipi vijon më denoncimin ndaj personave që duan të shkatërrojnë Teatrin Kombëtar. Regjisori ka publikuar në rrjetin social “Facebook” një raport të Institutit të Ndërtimit i cili në asnjë rresht nuk provohet rreziku i shembjes dhe zjarrit!
Më këtë dokument regjisori përgënjeshtron drejtorin e TK Hervin Culi, drejtoren e IMK Arta Dollani dhe ministren e Kultures Mirela Kumbaro!
Çipi thotë se “raporti është akuzë për shpërdorim detyre nga këta zyrtarë publikë, që prej më shumë se katër vjetësh nuk kanë marrë asnjë masë për mirëmbajtjen e ndërtesës!”
Aktorët, njerëzit e Teatrit dhe shoqëria civile prej muajsh protestojnë për vendimet që qeveria ka marrë për shembjen e Teatrit Kombëtar.
Regjisori Çipi edhe më parë ka denoncuar raste të shkeljeve që bën qeveria ndaj institucionit të Teatrit Kombëtar.
Postimi i plotë e Kastriot Çipit
Raporti i Institutit të Ndërtimit përgënjeshtron drejtorin e TK Hervin Culi, drejtoren e IMK Arta Dollani dhe ministren e Kultures Mirela Kumbaro! Në asnjë rresht nuk provohet rreziku i shembjes dhe zjarrit! Përkundrazi, raporti është akuzë për shpërdorim detyre nga këta zyrtarë publikë, që prej më shumë se katër vjetësh nuk kanë marrë asnjë masë për mirëmbajtjen e ndërtesës!
