Gjykatësi federal i SHBA-së, Raymond Dearie, është zgjedhur për të shqyrtuar dosjet e sekuestruara në kontrollin e FBI-së në shtëpinë e ish-presidentit amerikan, Donald Trump, në Florida.
Dearie, 78 vjeç, do të jetë “mjeshtër special” dhe do të vendosë nëse ndonjë dokument është jashtë kufijve në ndonjë procedurë ligjore.
Ish-presidenti amerikan, po hetohet për trajtimin e materialeve të klasifikuara.
Zyrtarët e Departamentit të Drejtësisë thanë më parë se dokumentet e ruajtura në shtëpinë e zotit Trump në Florida, ka të ngjarë të ishin fshehur si pjesë e një përpjekje për të penguar një hetim të FBI-së.
Autoritetet thonë se këto dokumente duhet të ishin dorëzuar në Arkivin Kombëtar – gjë që presidentët e SHBA janë të detyruar ligjërisht ta bëjnë pas largimit nga detyra. Kërkesa për një mjeshtër special – një avokat i pavarur që vendos nëse ndonjë nga të dhënat mbulohet nga privilegji i avokatit-klientit ose ekzekutivit – u bë nga ekipi i zotit Trump.
Në fillim të këtij muaji, një gjykatës pranoi kërkesën e zotit Trump – dhe e ndaloi qeverinë amerikane të shqyrtonte ose përdorte materialet e sekuestruara për hetimin e saj, derisa të përfundonte shqyrtimi i pavarur i masterit special.
Të enjten, gjyqtarja federale amerikane Aileen Cannon emëroi z. Dearie dhe vendosi gjithashtu se Departamenti i Drejtësisë nuk lejohej të rifillonte shqyrtimin e dosjeve.
Departamenti kishte thënë më herët se do ta çonte çështjen në një gjykatë apeli, nëse gjyqtari Cannon vendos kundër kërkesës së tyre.
Kjo do të thotë se hetimi i vazhdueshëm penal i departamentit të drejtësisë tani do të ngadalësohet, sepse qeveria nuk mund të shqyrtojë ose të sekuestrojë materialet për hetimin e saj derisa të përfundojë shqyrtimi i masterit special.
Departamenti i Drejtësisë i rezistoi kërkesës së Trump duke thënë se çdo dosje presidenciale e sekuestruar në kërkimin e FBI-së në Mar-A-Lago më 8 gusht, “i përkasin Shteteve të Bashkuara, jo ish-presidentit”.
Nuk është e qartë se sa do të zgjasë shqyrtimi special i masterit.
Avokatët e zotit Trump kanë argumentuar se disa nga dokumentet mbulohen nga privilegji avokat-klient – një pjesë e ligjit amerikan që lejon njerëzit të mbajnë private bisedat me avokatët e tyre.
Ekipi i tij ligjor ka pretenduar gjithashtu “privilegj ekzekutiv” mbi dokumentet, gjë që lejon presidentët të mbajnë të fshehta disa komunikime.
Megjithatë, disa ekspertë ligjorë argumentojnë se këto lëvizje janë thjesht një taktikë për të vonuar procedurat – pasi dokumentet tashmë janë shqyrtuar.
Burimi i lajmit: BBC. Përshtatur nga Tirana Today
