Situata mes tifozëve dhe futbollistit të Kolumbisë ka dalë jashtë kontrollit. Ai karton i kuq i marrë në minutën e tretë përballë Japonisë është bërë shkak për kërcënime me jetë për mesfushorin Carlos Sanchez. Ai është etiketuar si “fajtori” kryesor i asaj humbje në ndeshjen e parë të Kupës së Botës.
Telefonatat, mesazhet në telefon, Instagram dhe Facebook janë të shumtë dhe kryefjalë është kërcënimi për jetën. Ata kanë shkuar më larg duke i shkruar se do të përfundosh si Andres Escobar, mbrojtësi i vrarë në vitin 1994, pas eliminimit të Kolumbisë në Kupën e Botës 2014.
Mesazhet i janë dorëzuar policisë së Kolumbisë, e cila ka nisur hetimet ndaj personave që kanë vepruar në të tillë mënyrë. Sipas “BLU Radio” edhe Interpol është shqetësuar dhe ka nisur të punojë për mbrojtjen e Carlos Sanchez.
