Dështimi i Argjentinës në Botëror ka irrituar shumë tifozët dhe legjendat e klubit. Por kulmi ka arritur me vendimin e Federatës për të ndërtuar një seli në Spanjë, e cila do ti ndihmonte që të ndiqte nga afër talentet që po rriten në Europë. Këtë fakt e ka kundërshtuar ashpër ish-trajneri i Argjentinës, Cesar Luis Menotti, i cili fitoi titullin kampion bote në vitin 1978. Ai duket shumë i revoltuar me situatën që po kalon futbolli në vendin e tij, madje shprehet se i vjen të marrë një pistoletë dhe ti vrasë të gjithë këta njerëz.
“Federata mendoi krijimin e një zyre në Spanjë, bleu tokën dhe po investon për godinën e re, ndërsa shumë skuadra në Argjentinë nuk kanë as ujë të pijshëm. Thotë se janë në kërkim të pasardhësve të Messi, por përse ata duhet të jenë vetëm në Europë dhe jo në Argjentinë,” – tha Menotti.
Më pas ai e shtoi tonin e kritikave: “Më vjen të shkoj të jetoj në Uruguain dhe të largohem nga vendi im për shkak të këtyre drejtuesve që ka futbolli ynë që dështojë në fushë dhe jashtë saj. Do të merrja një pistoletë dhe do t’i vrisja të gjithë këta njerëz që po shkatërrojë futbollin dhe pasionin e një kombi për këtë sport.”
