ABC News ka risjellë në vëmendje një intervistë me Melania Trump, të vitit 1999. Në këtë intervistë të 19 viteve më parë, ajo ishte e dashura e Donald Trump dhe supermodele. Gazetari i ABC News e ka pyetur Melanian nëse e shihte veten si Zonja e Parë, gjë që ndodhi shumë vite më pas.
Intervista u realizua më 3 dhjetor 1999 mes Melania Knauss në atë kohë 26 vjeçe dhe korrespodentit Don Dahler.
E pyetur nëse mund ta shihte veten si Zonja e Parë, Melania u përgjigj me “po”. Ajo shtoi se do të mbështeste dhe qëndronte në krah të Donald Trump.
“Do të isha shumë tradicionale, si Jackie Kennedy dhe Betty Ford”.
Melania iu përgjigj edhe akuzave se ishte lidhur me një biznesmen 53 vjeçar për para. Ajo tha se ti nuk mund të flasësh apo përqafosh gjërat e shtrenjta.
Akuzat për para
“Ata nuk më njohin mua”, tha Melania në përgjigje të akuzave. Ndërkohë, ish-modelja e përshkroi Donald Trump si “shumë të sjellshëm”. E pyetur nëse ishte e dashuruar me Donald Trump, Melania u përgjigj shkurt me “po”.
Melania është menduar kur u pyet nëse do martohej me Donald Trump. E qeshur duke shprehur dëshirën e saj për martesë, Melania tha: “Media është shumë trukuese ndonjëherë. Duhet të jesh i kujdesshëm”.
Ajo vazhdoi: “Më pëlqen të kem jetën time private. Por jam shumë e hapur. Nuk jam e ndrojtur nga media. Nuk jam e ndrojtur nga kamerat. Kjo është puna ime. Kjo është karriera ime e modelingut. Por ndonjëherë mund të jetë shumë trukuese dhe e padrejtë”.
Por, çfarë mendonte Melania kur Donald Trump e quante veten një ‘playboy’?
“Është një gjë burrërore dhe ndonjëherë më duket lezetshëm”, tha ajo.
Dahler e pyeti Melanian nëse ndihej e ofenduar kur i dashuri thoshte gjëra si “Ku është supermodelja ime?”
“Ky është sensi i tij i humorit”, u përgjigj Melania.
“Ai është shumë i zgjuar. Ai di si të bëjë biznes. Do të ishte një lider i madh”.
Tashmë Zonja e Parë tha se e kishte parë Amerikën si një tokë të “ëndrrave” kur ishte rritur në Slloveni.
“Ëndrrat tua mund të realizohen. Mund të bësh shumë gjëra, kudo që vendos t’i bësh ato”.
Çifti u martua më vonë në Janar të 2005 në Florida. Përshtati TIRANA TODAY
