Bota po përballet me një pandemi, e ndërsa të infektuarit dhe të vdekurit po shënojnë një bilanc negativ. Në disa shtete duket sikur koronavirusi nuk ka një shtrirje të madhe, e në një ana tjetër të botës çdo ditë shënohen shifra të tmerrshme.
Shumë është aluduar nga ana e shkencëtarëve nëse vera do të sillte një ngadalësim të përhapjes së koronavirusit apo jo. Disa mendojnë se stina e verës mund të sjellë një ngadalësim të COVID-19, e shumë të tjerë thonë se gjatë vjeshtës do të rikthehet edhe më fuqishëm. Këto teza ende nuk janë vërtetuar.
Kreu i Departamentit të Mikrobiologjisë në Institutin Helenik Paster, dr. Andreas Mentis thotë se vera mund të lehtësojë barrën e infektimit dhe të risjellë normalitetin.
“Siç e dimë një epidemi mund të ndalohet nga vaksinimi dhe ka disa mesazhe shpresëdhënëse në këtë drejtim se vaksinat e para do të jenë të disponueshme në vjeshtë ose më pas. Le të shpresojmë se kjo do të ndodhë, përndryshe ne do të përballemi me një pandemi reale”, thotë Mentis.
