Djegin kabllot për t’u marrë bakrin, ndotje alarmante

Pranë Bulevardit të Ri në Tiranë shihen re të zeza tymi. Në këtë zonë po u vihet flaka kabllove  elektrikë në mënyrë që tu merret bakri. Një qytetar ka denoncuar për ndotjen alarmante që po ndodh në zonë. Në mesazhin e tij qytetari kërkon ndërhyrjen e shtetit që të ndalojë menjëherë ky krim.“Përshëndetje jam një banor i Tiranës pranë ish-stacionit të trenit. Kam një shqetësim të madh prej disa vitesh fusha pranë Bulevardin te Ri është kthyer në një vend ku çdo kush i ve zjarrin telave kabllove elektrikë për tu marrë bakrin. Ju lutem merrni masa qe t’i jepet fund këtij burimi të ndotjes së ajrit që thithin fëmijët tanë .”, shkruan qytetari në denoncimin e tij në platformën unëmonitoroj.Gjithashtu problem shqetësues është dhe djegia e koshave të mbeturinave. Nuk janë të pakta rastet kur njerëzit që rrëmojnë mbi to para se të largohen i vënë zjarrin.