Një ditë pasi opozita dogji mandatet e deputetit, kryeministri Edi Rama ka zgjedhur të reagojë duke komunikuar drejtpërdrejt qytetarëve përmes rrjeteve sociale. Ai tha se opozita ka vepruar në këtë mënyrë për interes vetjake, por kjo shtoi ai duhet të sjellë reflektim të thellë, që për secilin duhet të nisë nga vetja.
“Kanë interesa partiake që synojnë përçarjen e zgjedhjeve. Duhet të përpiqemi, të shohim sa më qartë dhe të reflektojmë sa më thellë, duke nisur nga vetja pastaj duke parë rreth e rrotull. Opozita ka konsumuar një akt të panjohur të vendeve me zgjedhje që nga demokracitë perëndimore deri tek regjimet hibride. Po e nis nga vetja, jam zgjedhur kryeministër i Shqipërisë 2 herë pas zgjedhjeve nën një qeveri të përbashkët me opozitën ju dhamë të gjitha portofolat që kërkoi.
Kishim një synim të vetëm, mos kontestim të rezultatit të zgjedhjeve dhe mos përbaltja e vendit në Europë. Akoma nuk kanë reflektuar herën e parë.
Në vjeshtë filloi avazi i vjetër i kontestimit të zgjedhjeve, avaz që sot arriti një kulm të ri. Sot vendi ka plot halle e probleme të tjera. Unë nuk jam as i rënë nga qielli dhe as i pagabueshëm, përkundrazi… kam bërë gabime por edhe jam tërhequr dhe kam thënë me fal. Më shumë se një herë, reagimet e atyre që më janë vlerësuar, nuk kanë qenë për tu mbajtur për krenari, por ama jam stërmunduar për t’i dëgjuar nga të gjithë…
Jam tërhequr dukë bërë hap pas më shumë se një herë kur kam kuptuar se ata që protestojnë apo ankohen kanë të drejtë. Kam bërë çmos tu gjendem atyre që më kontaktojnë.
Për mua nuk është qejf as nevojë për të shtyrë kohën rrjetet sociale, por është pjesë e detyrë, përpjekjes për të përfshirë njerëz të zakonshëm dhe për tu përfshirë edhe kur komentet e mia lexohen si arrogancë apo pakt. Nuk është as e para dhe as e dyta.
Ata (opozita) kanë hyrë në një borxh të pashlyeshëm me mua, e tani më fëmijët, gruan, nënë…. por edhe më te afërm dhe miq që nuk mbahen mend se kur i kam takuar, e kam pranuar si haraçin e madh për privilegjin e pakrahasueshëm që shumica më ka zgjedhur, për të drejtuar këtë vend.
Është shumë vonë që një njeri si unë të bëhet çuni i mirë me të gjithë, dhe shumë herët që të bëj plakun e urtë për të gjithë, e një gjë të tillë as nuk ua kam premtuar apo nuk mi kanë ditur kur më kanë zgjedhur. Nuk është kjo pjesa më e rëndësishme, por ajo që ka të bëjë me qeverisjen time”, tha Rama.
