Princ AlWaleed bin Talal bin Abdulaziz Al-Saud, është cilësuar si një investitorët kryesor në Arabinë Saudite dhe në Rajon, një ndër miliarderët botërorë, me rreth 17.3 miliardë dollarë pasuri, pronar i “Kingdom Holding Company”, President i “AlWleed Fondation”, anëtar i Familjes Mbretërore të Arabisë Saudite, ka vizituar Shqipërinë.
Ministri i Jashtëm Ditmir Bushati, njoftoi se ka zhvilluar një takim me të ku në thelb të bisedës ishin marrëdhëniet mes dy vendeve. Ai ka postuar një status në Facebook, ku mes te tjerash vlerëson takimin e sotëm si një mundësi për investime.
Statusi i Ditmir Bushatit
“Marrëdhëniet tona me Arabinë Saudite kanë filluar të diversifikohen përtej ndihmës ekonomike dhe humanitare. Takimi i sotëm me Princin Al-Waleed, Presidentin e Kingdom Holding Company, ishte një mundësi për të biseduar më konkretisht mbi investimet e mundshme në shërbimet turistike, industrinë dhe modernizimin e infrastrukturës,” shkruan Bushati në Facebook.
