Ditën e sotme në orën 10:00 në hollin e Pallatit te Kongreseve do të mbahen homazhet për t’i dhënë lamtumirën e fundit nëntetares Zarife Hasanaj, e cila humbi jetën gjatë misionit të Forcave të Armatosura në Letoni.
Ndërsa në orën13:00 do të mbahet ceremonia e varrimit pranë varrezave “Dëshmorët e Kombit”.
Sipas vendimit të qeverisë, në të gjitha institucionet shtetërore flamujt do të ulen në gjysmështizë dhe në orën 12:00 do të mbahet një minutë heshtje.
Me vendim të Këshillit të Ministrave, sot është shpallur ditë zie kombëtare, në nderim të nëntetares.
