Nëse fillon dhe iu flet të rinjve për torturat që u përdorën gjatë diktaturës komuniste me siguri u duket diçka shumë e panjohur. Nuk është aspak çudi që disa prej tyre të mendojnë se këto mund të jenë pjellë të fantazisë. Por nëse harrojmë historinë është shumë e lehte te përsërisim të njëjtat gabime.
Duke iu referuar dokumenteve dhe dëshmive të publikuara në Arkivin Online të Viktimave të Komunizmit, “Kujto.al”, njihemi me disa nga dëshmitë më rrëqethëse.
“Rrahja me dru, shpimi i mishit me tel të nxehtë, futja e kripës në mish, lënia në ujë të ftohtë, lënia pa bukë deri në vdekje, futja e jashtëqitjes në gojë. Këto janë vetëm disa nga torturat, që pësonin të burgosurit nga hetuesit dhe gardianët gjatë komunizmit.
Si pasojë e tyre qindra të dënuar u vdiqën në duar xhelatëve. Por edhe ata që mbijetonin, do të pësonin trauma psikike të pariparueshme. Kjo për shkak të një serie torturash psikologjike, si vendosja e dinamitit në trup, varja kokëposhtë, përgatitja e varrit, futja në arkivol, vënia e armës në kokë apo tentativa për përdhunimin e gruas apo vajzës në sy të të burgosurit.
Pas disa ditësh apo javësh, shumica e të burgosurve thyheshin, duke u detyruar të pranonin gjithçka që i kërkonte hetuesi. Pjesën më të madhe të këtyre torturave, gardianët e kishin kopjuar nga sovjetikët.”
