Kryeministri Edi Rama, ka publikuar në “Facebook”, një lajm të mirë për shqiptarët ku sipas tij plot 13 shërbime të reja elektronike me pagesë të Drejtorisë së Përgjithshme të Tatimeve që mund të paguhen pa qenë e nevojshme për të shkuar nëpër zyra institucionesh. Ky shërbim u mundëson bizneseve të paguajnë direkt nga vendi i punës, shtëpia apo celulari, një sërë detyrimesh tatimore, duke shkurtuar kohë, radhë të gjata dhe reduktim për korrupsionin.
Lajmi kreu i qeverisë e bëri të ditur në rrjetin social Facebook:
Statusi i plotë:
Çdo ditë një hap në rrugën për SHQIPERINE QE DUAM
??
??
Vazhdojmë lehtësimin e shërbimeve dhe uljen sistematike të ndërveprimeve direkte me administratën, duke reduktuar vijimësisht mundësitë për korrupsion, radhat e kota dhe humbjet e kohës
?
Sapo u publikuan në portalin e-Albania 13 shërbime të reja elektronike me pagesë, të Drejtorisë së Përgjithshme të Tatimeve. Nëpërmjet këtyre shërbimeve, bizneset mund të paguajnë direkt nga vendi i punës, shtëpia apo celulari, një sërë detyrimesh tatimore:
1. Tatim mbi të Ardhurat Personale të Biznesit të Vogël
2. Tatim i Lojërave të Fatit
3. Tatim mbi të Ardhurat nga Punësimi
4. Tatim i Mbajtur në Burim
5. Tatim mbi Vlerën e Shtuar
6. Tatim i Thjeshtuar mbi Fitimin
7. Tatim Fitimi
8. Tatim mbi të Ardhurat Personale
9. Taksat Kombëtare
10. Tarifat Kombëtare
11. Renta minerare
12. Kontributet e sigurimeve shoqërore dhe shëndetësore
13. Detyrime globale/Penalitetet
Puna vazhdon, përditë dhe rezultatet do të ndjehen hap pas hapi në të gjitha shërbimet e administratës për qytetarin dhe biznesin
?
