Shkolla e parë shqipe në Durrës, ajo e Ishmit, që daton në 1913-n e largët, ka qenë djepi i arsimit në këtë rreth, prej së cilës kanë dalë breza të artë, e të nderuar intelektualësh, që kanë përfaqësuar Shqipërinë denjësisht në shumë fusha, brenda e jashtë vendit.
Godina, e cila u bë guri i themelit të arsimit në Ishëm të Durrësit, ka përfunduar në një gërmadhë pa identitet, si rezultat i indiferencës.
Ndërtesa e shkollës së parë në Ishëm ka funksionuar si shkollë deri në vitin 2000 me 4 klasat e fillores.
Shkolla e vjetër me gjithë oborrin prej 400 m2 dhe ish-kopshtin pranë ka funksionuar me klasa moderne deri vonë, ndërsa sot ajo është kthyer në një stallë bagëtish të dalë jashtë funksionit.
Në vitin 2002-2003 ka qenë hartuar një projekt që ish-shkolla e vjetër të ndërtohej rishtas dhe të kthehej në qendër kulturore, ku ish-nxënësit e saj, tashmë të moshuar, të kalonin kohën e lirë .
