Një makinë është përfshirë nga flakët mbrëmjen e djeshme në Laç. Sipas policisë makina e djegur i përket shefit të personelit pranë ZRPP (Hipoteka) në Laç, Klevis Berhani.
Ngjarja ka ndodhur në lagjen nr. 3 të qytetit, teksa mjeti ka qenë i parkuar para banesës. Mësohet se makina e djegur është tip ‘Ford Focus’ ngjyrë blu.
Paraprakisht dyshohet se ngjarja ka ndodhur për shkak të detyrës së Berhanit, ndërsa policia ka nisur hetimet.
