Një zjarr i madh ka rënë në Subash të Gjirokastrës, ku është djegur një sipërfaqe rreth 5 ha me shkurre dhe dushk.
Flakët janë duke u përhapur me shpejtësi për shkak të erës, ndërsa mësohet se zjarrfikëset po punojnë për shuarjen e flakëve.
Për fat të mirë nuk ka dëme në banesa dhe në njerëz, por dëmi në natyrë është i pallogaritshëm.
Me logjistikë të dobët, infrastrukturë të vështirë, të paktë në numër, forcat zjarrfikëse po veprojnë në terren.
Ne vetëm në muajin gusht, në Qarkun e Gjirokastrës ka pasur 87 vatra zjarri, 3 zjarre të tjera në godina si dhe tre ndërhyrje në shtëpi.
Sipas shefit të zjarrfikësve Kujtim Bizhga, shumica e zjarreve kanë qenë të qëllimshëm nga banorë e zonave përreth ose nga çobanët.
