Pak ditë pas helmimit masiv në Peshkopi, ka nisur procedim penal për shtetasin me incialet G.S, 39 vjeç, i cili është pronari i pastiçerisë ku qytetarët kishin blerë ëmbëlsira.
Sipas policisë, shtetasi G.S ka shitur ëmbëlsira jashtë kushteve dhe standardeve. Ai akuzohet për “prodhim dhe shitje e ushqimeve të rrezikshme për shëndetin”.
Kujtojmë se nga konsumimi i ëmbëlsirave u helmuan 150 vet, 50 prej tyre janë fëmijë dhe 12 nga këta janë shtruar në spital ndërsa të tjerët pasi kanë marrë ndihmën e parë janë larguar për në banesë.
NJOFTIMI I POLICISË
Me datë 09.06.2017 u referuan materialet hetimore në Prokurorinë pranë Gjykatës së Shkallës së Parë Dibër për veprën penale “Prodhimi dhe shitja e ushqimeve dhe e lëndëve të tjera të rrezikshme për shëndetin”, parashikuar nga neni 288 i Kodit penal në gjendje të lirë, në ngarkim të shtetasit:
G.S, 39 vjeç, banues në Peshkopi.
Procedimi penal ndaj tij filloi pasi ky shtetas dyshohet se duke pasur një aktivitet “Pastiçeri”, në qytetin e Peshkopisë ka shitur ëmbëlsira (Tortë), jashtë kushteve dhe standardeve që kërkon ky produkt ushqimor, ku për pasojë persona të grup moshave të ndryshme nga Bashkia Dibër janë helmuar dhe po trajtohen në Spitalin Rajonal Peshkopi, aktualisht jashtë rrezikut për jetën.
Materialet i kaluan Prokurorisë për veprime të mëtejshme.
