Ditën e djeshme, një 16-vjeçar humbi jetën si pasojë e kontaktit me energjinë elektrike.
Policia ka dhënë detaje lidhur me ngjarjen e rëndë, ku njofton se i riu me iniciale L.Ç., 16 vjeç, banues në fshatin Vakuf, Dibër ka qenë duke gjuajtur peshq me gjenerator elektrik në lumin Drin në afërsi të fshatit Fushë-Alije.
16-vjeçari është vetëaksidentuar duke rënë në kontakt me rrymën elektrike ku për pasojë ka gjetur vdekjen e menjëhershme.
Policia ka arrestuar shtetasin L.B., 35 vjeç, i cili ka qenë duke peshkuar së bashku me viktimën në mënyrë të paligjshme. 35-vjeçari ka fshehur disa sende, që janë gjetur nga policia në automjetin e tij, i cili është sekuestruar në cilësinë e provës materiale.
