Ka nisur sërish sot protesta e shqiptarëve të Diasporës, të cilët janë vendosur para godinës së Kryeministrisë. Dhjetëra shqiptarë të ardhur nga jashtë janë mbledhur për të protestuar kundër qeverisë.
Kësaj proteste, ashtu si dje, iu bashkuan banorë të Unazës së Re, të cilët kundërshtojnë prishjen e shtëpive.
“Ky kryeministër ka mbaruar, ju bëj thirrje gjithë shqiptarëve të ngrihen e t’i shporrin, të vënë një standard. Mos i lini më shumë nëse nuk mbajnë premtimet”, ka thënë një nga emigrantet protestues.
Një prej kërkesave të shqiptarëve të diasporës është edhe e drejta e votës në zgjedhje.
