Forcat e policisë kanë dhunuar një grua që shiste qirinj në ditën e pelegrinazhit në kishën e Laçit . Policia ka dhunuar shtetasen Pashke Gjoka 58 vjeçe me banim në afërsi të Kishës së Shna Ndout në Laç, e cila tregtonte qirinj anës së rrugës, në ditën e pelegrinazhit, është bërë pre e dhunës nga forcat e policisë.
E dhunuara shprehet se disa efektivë të policisë kanë tentuar të largojnë gruan, ndërsa e kanë tërhequr me forcë, duke i shkaktuar dëmtime në trup. 58 vjeçarja është dërguar në spitalin e Laçit për mjekime.
Sipas saj policia në mënyrë selektive largon tregtarët e qirinjve, ndërsa kjo është dhunuar, madje të afërmit e saj kanë bërë denoncim pranë komisariatit të Kurbinit, për dhunën e ushtruar nga policia.
