Ministri i Punëve të Brendshme i Maqedonisë, Agim Nuhiu, vlerëson se në institucionin e policisë nevojiten reforma të thella që të garantojnë mjedis të sigurt për qytetarët e Maqedonisë. Komentet vijnë pas kritikave të shumta nga ekspertët e sigurisë po edhe vetë ministri i Punëve të Brendshme, se pjesë e skenarit të dhunshëm në ngjarjet e 27 prillit në Parlamentin e Maqedonisë ishin edhe struktura të caktuara policore.
Sipas ekspertëve reformat duhet të përshijnë dhe numrin më të madh të shqiptarëve në pozitat vendimmarrëse, ku sipas një hulumtimi më shumë se 60 për qind e qytetarëve shqiptarë në Maqedoni ende nuk kanë besim në organet e policisë.
