Trupi juaj nuk do të hollohet me një kërcitje të gishtërinjve. Kjo nuk do të thotë që ju duhet të torturoheni me stërvitje dhe dieta të rrepta, edhe pse një trup i mirë nuk mund të arrihet pa një aktivitet fizik të rregullt dhe ushqim të shëndetshëm.
Ja disa këshilla që do t’ju ndihmojnë të qëndroni në formë. Ç’është më e mira këto këshilla nuk kërkojnë as shumë përpjekje.
Mos e stërmundoni veten në palestër.
Stërvitja e përditshme nuk është çelësi për humbjen e suksesshme të peshës. Është vërtetuar se ata që shkojnë çdo ditë në palestër dhe që shkojnë më rrallë harxhojnë një sasi pothuajse të barabartë kalorish për shkak të aftësisë së trupit tonë për t’u përshtatur. Më shumë nuk do të thotë gjithmonë më mirë.
Trajtojeni palestrën si një mënyrë jetese, jo si një dënim.
Hiqni dorë nga ushtrimet në qoftë se ju bëjnë të ndiheni keq. Çdo aktivitet fizik i rregullt – noti, vallëzimi, alpinizmi, çdo aktivitet do të japë të njëjtat rezultate. Më e rëndësishmja është të jeni aktivë dhe të kënaqeni.
Peshohuni rregullisht.
Peshohuni çdo ditë ose të paktën një herë në disa ditë. Kjo do të përforcojë rezultatet pozitivisht dhe do t’ju bëjë të mendoheni dy herë para se të hani një copë tortë.
Ushqehuni me probiotikë
Jo të gjithë probiotikët do t’ju ndihmojnë të humbisni në peshë. Studimet tregojnë se flora e zorrëve te individët e shëndoshë ndryshon nga ajo e individëve të hollë. Kushtojini vëmendje përbërësve të produkteve të qumështit me probiotikë.
Përfshini në dietën tuaj fasule, bizele ose thjerrëza.
Të ushqyerit me fasule, bizele, selino, ose thjerrëza do t’ju ndihmojnë të hiqni peshën e tepërt dhe të arrini në peshën tuaj normale.
Mos i refuzoni proteinat.
Mos i refuzoni ushqimet e pasura me proteina. Ato ju lejojnë të jeni më aktivë fizikisht, gjë që përkthehet në humbje të madhe peshe. Trupi ka nevojë për proteina, yndyra dhe karbohidrate për të funksionuar normalisht.
Hani në pjata të vogla
Përdorni pjata të vogla. Kjo do të ndihmojë në reduktimin e sasisë së kalorive të konsumuara. Përveç kësaj, pjata e vogël krijon iluzionin se po hani shumë ushqim.
Blini një mbulesë tavoline ose pjatë të ndritshme.
Përdorni kontrastin e ngjyrave të tavolinave dhe pjatave në të. Kjo do të nxisë iluzionin Delboeuf: një pjatë normale do të duket më e madhe në kontrastin me mbulesën. Ju do të ndiheni sikur keni ngrënë shumë, edhe pse sasia e konsumuar është e vogël.
Kontrolloni sasinë e kalorive që konsumoni.
Mbani një ditar ose përdorni një aplikacion në telefonin tuaj ku mund të shkruani çdo gjë që konsumoni gjatë ditës. Kjo do të ndihmojë të kontrolloni procesin e humbjes së peshës dhe të hani pikërisht sa keni nevojë.
Lexoni etiketat e ushqimeve.
Lexoni etiketat e ushqimeve. Nëse e bëni këtë, ju do të dini saktësisht se çfarë hani dhe sa i shëndetshëm është ky ushqim. (TIRANA TODAY)
