Turi evropian i yllit amerikan të muzikës pop, Lady Gaga, është ndërprerë për shkak të një dhimbjeje të rëndë. Njoftimi u dha sot kompania e saj e menaxhimit.
“Fatkeqësisht, Lady Gaga po vuan nga një dhimbje e rëndë, që nuk i mundëson të këndojë live”, njoftoi kompania ”Live Nation”.
“Ndihem e shkatërruar, nuk di si ta shpjegoj. Ekipi im mjekësor mbështet vendimin që unë të kurohem në shtëpi”, shkruan Lady Gaga në Twitter.
Lady Gaga duhej të këndonte në Britaninë e Madhe, Zvicër, Gjermani, Suedi, Danimarkë dhe Francë, në kuadër të turit botëror “Joanne”.
Edhe shtatorin e kaluar, Lady Gaga iu drejtua spitalit, sërish për dhimbje të rënda dhe anuloi koncertin në Rio de Zhaneiro, shkruan ata. Ajo tha se vuante nga fibromialgia, sëmundje kronike që shkakton dhimbje në të gjithë trupin.
